Приветствуем, дорогие братья и сестры

 

«Благодать вам и мир от Бога Отца нашего и Господа Иисуса Христа. Благодарим Бога и Отца Господа нашего Иисуса Христа, всегда молясь о вас» (1Кол. 1:3)

Добро пожаловать на сайт прихода храма Рождества Пресвятой Богородицы, что в селе Степаньково Мытищинского района Московской области.

По живописному берегу канала имени Москвы проходит дорога к селу Степаньково. Со стороны канала, идете-едите ли вы вдоль берега или плывете по воде, открывается чудный вид на церковь Рождества Пресвятой Богородицы.

Возрождение церковной духовной жизни в нашем приходе связано с именами игумена Александра (Агрикова), ныне митрополита Брянского и Севского, и Владимира Ивановича Бурлаки, в свою бытность  Президента Международной Ассоциации борьбы с наркоманией и наркобизнесом. Молитвенными и организационными трудами первого было осуществлено создание прихода, а усилиями второго был возведен существующий ныне храм Рождества Пресвятой Богородицы. Закладной камень был установлен обоими и освящен игуменом Александром 21 сентября 1995 года. А 4 октября 1998 года церковь Рождества Пресвятой Богородицы была освящена архирейским чином Управляющим Московской епархией Высокопреосвященным Митрополитом Крутицким и Коломенским Ювеналием.

Настоятелем храма с 1998 г.  милостью Божией является о. Георгий  Троицкий, протоиерей.

 

 

 

 

 

 Храм построен в 1998 году в псковско-московском стиле из красного кирпича и, расположенный на высоком месте чуть южнее селения, издалека привлекает к себе внимание. Наш приход образован здесь в 1996 году и в первое время богослужения совершались во временном помещении.        

Церковь Рождества Пресвятой Богородицы представляет собой  однопрестольный храм на 100 человек и является архитектурной репликой церкви, построенной в г. Белгороде по проекту И.К. Чалова. Звонница из трех колоколов, размещенная над западным входом в храм, позволяет звонарю, стоя на земле, церковно оповещать о богослужении. Внутреннее пространство храма имеет настенные и сводчатые росписи, отображающие основные христианские праздники и лики святых. Иконостас с иконами в два ряда, изготовленный в Софринских мастерских, и деревянное ограждение солеи создают умиротворенную для молитвы среду.

 

 Богослужения в храме совершаются в воскресные и праздничные дни, в которых и служится Божественная литургия, проводится исповедь. В отдельные дни служатся молебны, совершается Таинство святого Крещения и другие церковные требы.

Уповая на Божию помощь, мы предполагаем со временем возведение приписного храма-часовни во имя преподобного Сергия Радонежского в деревне Новосельцево.

 

 

Рождество Пресвятой Богородицы Приснодевы Марии

 

Как известно, церковный богослужебный год по традиции начинается 1 сентября по старому стилю/14 сентября по новому. Рождество Пресвятой Богородицы – самый первый праздник церковного года - предвосхитило начало спасения человеческого рода.

Восстановление падшего естества стало возможным лишь по благодати воплощения Господа Нашего Иисуса Христа, соединившего в Себе природы божественную и человеческую «неслитно и неизменно, нераздельно и неразлучно». На пути своего спасения человечество должно было все же выйти навстречу Богу – и в Священном Писании можно видеть длинную цепь поколений, предшествовавших воплощению Спасителя. Недаром, хронологически первое Евангелие от Матфея начинается перечислением имен. Эта «эстафета благочестия» должна была увенчаться теми, кто реально примет Господа на земле, сможет Его принять, – в первую очередь, конечно, в человечестве должна была появиться на свет Матерь Божия. Св. Андрей Критский говорит об этом событии как об устроении на земле подлинного храма Божия – Божией Матери, в Которой будет обитать Слово; также преп. Андрей называет Божию Матерь «дверью к благодати и истине» – через Нее Слово Божие придет к людям. И наконец, Божия Матерь, родив Сына, послужит спасению всего человечества. Поэтому сей праздник есть праздник всемирной радости.

Собственно праздник Рождества Богородицы основан на предании, которое зафиксировано в «Протоевангелии Иакова» и «Евангелия псевдо-Матфея»,О нем есть также упоминания в творениях блаж. Иеронима и Епифания Кипрского.

Родители Божией Матери Иоаким и Анна были уже престарелыми бездетными людьми, и терпели за это поношение от иудеев (считалось, что отсутствие детей – это знак отвержения Богом). Будучи благочестивы, они не отчаивались в своей скорби, но подвизались много и молились, и их молитва была услышана и исполнена Богом тогда, когда это представлялось уже невозможным. Следует отметить, что рождение дочери было ими воспринято как дар Божий, и еще в младенческом возрасте они Ее «вернули» Богу – чему посвящается двунадесятый праздник Введения во Храм Пресвятой Богородицы.

Св. Иоаким происходил из царского рода Давидова, а св. Анна – из архиерейского рода Аронова, что позволяет видеть в Пречистой Деве символичное соединение царского и священнического достоинств. 

Праздник Рождества Богородицы очень древний, уже в 4 веке упоминается о том, что св. Елена построила в Константинополе храм, посвященный Рождеству Богородицы. Это означает, что Рождество Божией Матери с самого начала воспринималась Церковью как важнейшее событие дела спасения и отмечалось в богослужении особым образом.

Богослужебные тексты праздника практически не выходят из узкого круга фактических сведений церковного Предания, но преимущественно толкуют догматический смысл, привлекая ветхозаветные образы и поэтические сравнения. Божия Матерь многократно сравнивается с процветшим жезлом Ароновым, самый цвет которого – это Спаситель Христос Бог. Например: «Тя блажит Приснодево вся тварь, от Анны днесь рождшуюся, от корене Иессеева жезл пречист цвет Христа израстившую» (тропарь 3 песни канона). Происхождение Божией Матери от царя Давида – это важнейший факт для подтверждения истинности воплотившегося Мессии, он постоянно повторяется в разных текстах: «Ныне жезл Аронов, от корене Давидова прозябший, ныне Дева чистая происходит, и сликовствует небо и земля, и вся отечествия языков, и Анна и Иоаким таинственно» (тропарь 4 песни канона). Здесь видно некое усиление славословия – ликует уже не только вся тварь, но «небо и земля», т.е. в ликовании участвует мир ангельский. Эта тема всеобщего ликования также постоянно повторяется в песнопениях, например: «Всемирная радость от праведных возсия нам, от Иоакима и Анны всепетая дева, Яже премногия ради чистоты храм Божий одушевленный бывает: и едина воистину Богородица познавается. Тоя молитвами, Христе Боже, мир миру низпосли, и душам нашим велию милость» (стихира на стиховне). Необходимо отметить, что прославление Божией Матери неразрывно связано с прославлением Господа Иисуса Христа (подобно тому, как усиливается первоначальный аккорд в музыке): «Сей день Господень, радуйтеся людие: се бо света чертог, и книга слова животнаго из утробы произыде, и яже к востоком дверь родшися, ожидает входа святителя великаго, едина, и единаго вводящи Христа во вселенную, во спасение душ наших» (стихира праздника). 

Праздник Рождества Богородицы празднуется 8/21 сентября, имеет 1 день предпразднства и 4 дня попразднства, его отдание 12/25 сентября. Второй день праздника посвящен памяти свв. родителей Пресвятой Богородицы Иоакима и Анны.

На великой вечерни читаются три паремии, характерные для Богородичного праздника: а) из книги Бытия (28, 10-17) – о лествице, достигавшей небес, которая была явлена во сне Патриарху Иакову); б) из книги пророка Иезекииля (44, 2-4) – о затворенных вратах, через которые пройдет Господь Бог Израилев, и они останутся затворенными; в) из Притчей (9, 1-11) – о Премудрости, создавшей себе дом. Апостол (Флп., зач.240) и Евангелие (Лк., зач.54) – обычные для Богородичного праздника. Как видно из богослужебных текстов (символы лествицы, входа и дома), Церковь воспринимает Рождество Приснодевы как свободный отклик человечества на Божественное обетование о Спасителе.

В тропаре праздника - «Рождество Твое Богородице Дево радость возвести всей вселенней: из Тебе бо возсия солнце правды Христос Бог наш, и разрушив клятву даде благословение, и упразднив смерть дарова нам живот вечный» - звучит гимн торжества зачала нашего спасения.

Кондак: «Иоаким и Анна поношение безчадства, и Адам и Ева от тли смертныя свободистаса Пречистая во святем рождестве Твоем, то празднуют и людие Твои, вины прегрешений избавльшеся, внегда звати Ти: неплоды раждает Богородицу, и питательницу Жизни нашея».

Величание: «Величаем Тя, Пресвятая Дево, Богоизбранная Отроковице, и чтим святых Твоих родителей, и преславное славим рождество Твое».

Памятуя о чести освящения нашего храма, сотворим же и мы в душе своей храм духовного возрождения.

 

 

 

Акафист Рождеству Пресвятой Богородицы

Кондак 1

Избранней от человеческого рода и рождшейся от неплодове, Пречистей Деве Марии составим похвалу, яко рождеством Ея начало спасения нашего бысть и пришествие в мир Избавителя возвестися. Темже радостно Ей возопиим:

Радуйся, Пречистая Дево, Материю Спасителя мира от века предъизбранная.

Икос 1

Ангел небесный предстояй пред Богом, послан бысть к праведным Иоакиму и Анне возвестити им радость велию, яко по неплодствии своем имут родити Дщерь Преблагословенную, от Неяже всему миру радость произыдет. Темже и мы, радости сея причастницы, похвальная песни Деве воспоем:

Радуйся, в Троичном Совете Материю Сына Божия от века предъизбранная; радуйся, древними пророками с патриархи многообразне в образех и сенех прообразованная. Радуйся, вящшие пяти тысящ лет от создания мира верными Божиими рабы, яко Матерь Избавителя ожиданная; радуйся, лествицею, Иаковом виденною, Божие к человеком снизшествие прообразовавшаго предуказанная. Радуйся, неопалимою купиною в пустыни Синайстей Моисеом виденною, предвозвещенная; радуйся, Чермным морем Израилю сух путь давшему, фараона же потопившему, образне преднаписанная. Радуйся, написатися нам в книзе живота вечнаго пособствующая; радуйся, Царствия Небеснаго невозбранный вход нам ходатайствующая.

Радуйся, Пречистая Дево, Материю Спасителя мира от века предъизбранная.

Кондак 2

Видяще праведнии Иоаким и Анна явльшагося им Ангела, возвещающа рождество Твое, Пресвятая Дево, возблагодариша Бога, призревшаго отъяти поношение безчадия их, и всем сердцем тепле возопиша: Аллилуия.

Икос 2

Разум божественнаго строительства и на землю снизшествия Своего всеблагий Господь исполнити начат, егда посла Ангела Своего возвестити Иоакиму и Анне о рождестве Твоем, Пресвятая Дево. Темже вопием Ти хвалебно:

Радуйся, разума божественнаго проявление; радуйся, дивнаго смотрения Его исполнение. Радуйся, древле предуставленная послужити воплощению Сына Божия; радуйся, от всех родов в жилище всех Царя предъизбранная. Радуйся, еще в раи изречением искусителю змию о положении вражды между тем и Женою и Семенем Ея предуказанная; радуйся, по исполнении времен от неплодове изволением Божиим славне произшедшая. Радуйся, род человеческий рождеством Своим возвеселившая; радуйся, сетование чаявших утехи Израилевы преложившая.

Радуйся, Пречистая Дево, Материю Спасителя мира от века предъизбранная.

Кондак 3

Сила Вышняго разреши неплодство заматоревшия во днех своих праведныя Анны: зачат бо Тя, Пречистая, и, чающи Твоего рождения, радостно пояше Богу Израилеву хвалебную песнь: Аллилуия.

Икос 3

Имущая безмужно родити Спасителя душ и телес наших, Ты и Сама, яко чудо пред велиим и непостижимым чудесем, от неплодных родителей славно родися, Пресвятая Дево. Темже воспеваем Ти сице:

Радуйся, от корене Иессеова и Давидова произшедшая; радуйся, от неплодных ложесн праведныя Анны дивно прозябшая. Радуйся, пророчеством Исаии прежде лет древних Дева и Матерь проявленная; радуйся, по обетованию Ангела рожденная. Радуйся, скиниею свидения и ковчегом завета прообразованная; радуйся, процветшим жезлом Аароновым образне прознаменованная. Радуйся, прежде рождества Твоего в Матерь Богу Слову освященная и предуготованная; радуйся, рождением Твоим мир осветившая.

Радуйся, Пречистая Дево, Материю Спасителя мира от века предъизбранная.

Кондак 4

Бури поношений человеческих о неплодствии своем избавльшеся в зачатии Твоем, Пресвятая Дево, праведнии родителие Твои радовахуся, и в честь рождества Твоего учреждение велие сотвориша сродником и знаемым, и тии срадовахуся им, вопиюще Богу, сотворшему милость Свою, хвалебную песнь: Аллилуия.

Икос 4

Слышавше окрестные людие, яко дщи Иоакима и Анны наречена бысть Мария, сиесть Госпожа, проразумеваху, Пречистая, велику и славну Тя быти не токмо в людех, но и у Бога. Мы же сбытие сего добре ведуще, величаем Тя сице:

Радуйся, Пресвятая Дево, не от человека, но от Ангела имя Себе еще прежде зачатия приявшая; радуйся, по имени сему Госпожею всея твари быти сподобльшаяся. Радуйся, яко праведнии родителие Твои воздающе Богу благодарение за  рождение Твое, великия дары в жертву Тому принесоша; радуйся, яко сродником и знаемым, купно же и убогим вечерю любве сотвориша. Радуйся, яко от священников, в  дом родителей Твоих на торжество позванных, благословена еси; радуйся, яко от всех на веселие оно собравшихся, похвалена и прославлена была еси. Радуйся, вышше всякия чести и похвалы явльшаяся; радуйся, Материю Бога Слова быти сподобльшаяся.

Радуйся, Пречистая Дево, Материю Спасителя мира от века предъизбранная.

Кондак 5

Боготечная звезда, возвещающая пришествие солнца правды, Христа Бога нашего, в рождестве Твоем явися, о, Пресвятая Дево; темже людие Божии, пришествия Избавителя верою чаявшии, видяще Тя чудно от неплодове рождшуюся, возвеселишася и возопиша: Аллилуия.

Икос 5

Видевши праведнии Иоаким и Анна рождшуюся от них Богоотроковицу Марию, о Нейже Ангел Божий некая чудная и дивная тем провозвести, яко кивоту Божию, Той послужиша, воспитавающе и храняще Ю, якоже зеницу ока. Темже и мы похваляюще богоотцев, сподобившихся родительми быти таковыя Дщери, Деве Марии радостно воспеваем:

Радуйся, Пречистая Дево, яко по рождестве Твоем родителие Твои вельми возликоваху; радуйся, яко в явлении Твоем в мир ангели и человецы согласно возрадовахуся. Радуйся, яко о Тебе вси пророцы многообразне предглаголаху; радуйся, яко един от них врата затворенная, ин же гору приосененную Тя именоваху. Радуйся, яко вся преславная древле таинственно о Тебе предглаголана быша; радуйся, яко град и селени Божие псаломническая уста Тя наименоваша. Радуйся, седмосвещным светильником, яко седмию дарами Святаго Духа исполнена быти имевшая, предуказанная; радуйся, позлащенною трапезою с хлебами предложения, яко Хлеб Жизни, Христа, родити имевшая, предуказанная.

Радуйся, Пречистая Дево, Материю Спасителя мира от века предъизбранная.

Кондак 6

Проповедник богоносных вещания и глаголы исполняющи, изволением Зиждителя твари на земли явилася еси, Пресвятая Дево, естества нашего цвете, Адама же и Евы воззвание и на первую доброту возведение. Темже вси вернии в рождестве Твоем радость обретше, духовно торжествуют, поюще дивному в совете Своем Богу нашему: Аллилуия.

Икос 6

Возсия в рождестве Твоем, Пречистая, заря спасения нашего, во исполнение божественнаго смотрения, имже едина Ты от всех родов достойна явилася еси плоть заимодати Зиждителю Твоему, пришедшему спасти род наш от древния праотеческия клятвы. Сего ради взываем Ти сице:

Радуйся, Адама и Евы воззвание; радуйся, древния клятвы разрешение. Радуйся, сеновнаго закона конец и новыя благодати начало; радуйся, промышления божественнаго таинница и на делания благая нас присно наставляющая. Радуйся, едина во всех родех достойно обретшаяся быти Мати Бога Слова; радуйся, и нам новым во Христе людем духовная Мати явльшаяся. Радуйся, Матерним Твоим попечением николиже нас оставляющая; радуйся, в сыны и дщери Сыну Твоему достойны и благоугодны нас приуготовляющая.

Радуйся, Пречистая Дево, Материю Спасителя мира от века предъизбранная.

Кондак 7

Хотяще обеты своя Господеви воздати, праведнии родителие Твои, Пресвятая Дево, трилетствующую Тя отроковицу приведоша в храм Господень со славою и радостию многою, первосвященник же Захария, Духом Божиим объятый, введе Тя во святая святых, яже прообразом токмо быша Твоея святыни. Ты бо вместила в Себе не кивот завета, но святых святейшаго Сына Божия, во утробе Твоей девственней плоть восприявшаго. Емуже Ты с лики девическими выну воспевала еси: Аллилуия.

Икос 7

Новое и преславное промышление Божественное бысть о Тебе, Дево Марие. В храме бо Божием жительствующи пищу от рук ангельских принимала еси, Пресвятая. Темже молим Тя: напитай нас пищею благодатною, да возрастем духовно в мужи совершенны и Тебе, Всецарице, похвальная возопием:

Радуйся, преукрашенная добродетельми, Отроковице, в храме Божием жити и ангелом собеседнице быти сподобльшаяся; радуйся, посылавшуюся Тебе Богом пищу от ангелов во святая святых принимавшая. Радуйся, небесным хлебом во храме чудесно воспитанная; радуйся, к великому таинству воплощения Сына Божия тамо предуготованная. Радуйся, яко повелением Божиим ангели на земли Тебе усердно служаху; радуйся, яко тии ныне на небесех, яко Царице, благоговейно Тебе служат. Радуйся, яко и мы недостойнии песньми хвалебными присно Тя величаем; радуйся, яко и рождших Тя богоотцев всегда ублажаем и в молитвах их призываем.

Радуйся, Пречистая Дево, Материю Спасителя мира от века предъизбранная.

Кондак 8

Странное рождество Пречистыя Девы видевше, устранимся суетнаго мира, ум на небеса преложше, идеже Богоматерь во славе предстоит Сыну Своему и Богу, ходатайствующи пред Ним о всех верных, всеславное рождество Ея любовию празднующих и вопиющих Богу: Аллилуия.

Икос 8

Вся тварь в рождестве Твоем, Пречистая, обрете радость, печаль праотеческую потребляющую; произшедшим бо от Тебе Христом Богом, падшее во грех преслушания естество наше от падения воста и паки любезно Зиждителю сотворися. Темже умильно Ты взываем:

Радуйся, всемирныя радости предвозвещение; радуйся, таинство от века сокровеннаго явление. Радуйся, Еюже от падения востахом; радуйся, Еюже от рабства диаволя в свободу чад Божиих приидохом. Радуйся, Еюже прежде отриновенное естество наше истее Богу присвоися; радуйся, Еюже Иоаким и Анна поношения безчадия свободившася. Радуйся, Еюже безплодие сердец наших в благоплодие применися; радуйся, Еюже обилие благ вечных верным от Господа подается.

Радуйся, Пречистая Дево, Материю Спасителя мира от века предъизбранная.

Кондак 9

Вси Ангели Божии не ведевшии тайны боговочеловечения в совете Триипостаснаго Божества от века сокровенныя и напоследок Девою Мариею явленныя, вельми удивлени быша, зряще, како Дщи Иоакима и Анны необычно естеству женскому, во святая святых введеся. Темже недоумением объяти бывше, благоговейно вопияху: Аллилуия.

Икос 9

Ветия древнейший, всемудрый в царех Израилевых Соломон, провидя рождество Твое, Пречистая, в Песни песней со удивлением возглашаша: «Кто Сия, проницающая, аки утро, добра, яко луна, избранна, яко солнце?». Темже Церковь ликовствующи в празднице Твоем, весело Тебе вопиет:

Радуйся, невечерняго дне боговедения утро светлейшее, в законней сени, яко во мраце, возсиявшее; радуйся, солнцеобразная Дево, истинное Солнце, Христа, девственным воплощением в мир введшая и тем вся просветившая. Радуйся, световидная стихие, существенне приявшая Бога, живущаго во свете неприступнем; радуйся, Своим малым чревом объявшая Безпредельнаго, вся концы вселенныя объемлющаго. Радуйся, полная луно, свет божественный непосредственно восприемлющая и нас тем озаряющая; радуйся, чистейшее зерцало, в немже многая совершенства Божия чудно и верно изображаются. Радуйся, совершенством Твоих добродетелей и нас к тому же подвизающая; радуйся, немощныя наши силы к творению добрых дел укрепляющая.

Радуйся, Пречистая Дево, Материю Спасителя мира от века предъизбранная.

Кондак 10

Спасти хотя род человеческий от первородныя клятвы, дивное смотрения Своего таинство сотвори Господь; избра бо Тя, Пречистая, от рода Авраамля и Давидова и от Тебе безсеменно воплотитися благоизволи, прешед уставы естества, но и тя произведе от заматоревша и неплодна корене Иоакима и Анны праведников. Темже рождество Твое днесь празднующе и рождших Тя песньми восхваляюще, вопием Богу: Аллилуия.

Икос 10

Царь Небесный, спасения нашего ради хотя на земли явитися и с человеки пожити, чертог свят воплощения Своего, Тя, Пречистая, предуготова, подав плод безчадной Анне, слезно с супругом своим, молившейся о разрешении своего неплодства. Темже молим Тя, Богомати: разреши неплодие душ наших, да возможем принести Богу плод благих дел добродетели, взывающе Ти сице:

Радуйся, пресветлый чертоже безсеменнаго Божия воплощения; радуйся, одушевленная палато, в жилище всех Царя предуготованная. Радуйся, светлейший облаче, имже Седящий на престоле Божества к нам сниде; радуйся, посреднице закона и благодати, запечатление ветхаго и новаго заветов. Радуйся, неувядаемая лозо, прекрасный цвет, Спасителя мира, произрастившая; радуйся, благовонное яблоко, от неплодове произрастшее и Христу благоугодно явльшееся. Радуйся, и нас, певцев Твоих, благоугодны Христу представити тщащаяся; радуйся, яко и нас, безплодны сущих делы благими, не лишаеши духовнаго утешения.

Радуйся, Пречистая Дево, Материю Спасителя мира от века предъизбранная.

Кондак 11

Песнь хвалебную рождеству Твоему приносящих не отрини, Владычице Благая, но благоуветлива нам буди, молящи о нас Сына Твоего и Бога нашего, да подаст грехов прощение и жития исправление, еже в покаянии слезном выну благодарно воспеваем Ему: Аллилуия.

Икос 11

Светоприемная и премирная божественнаго света свеща, единородная Дщи Иоакима и Анны, предъизбранная в Матерь Единородному Сыну Божию, днесь от неплодове преславно произыде, и просвещает всех рождество Ея верно празднующих и благоговейно взывающих:

Радуйся, светозарная свеще, божественным пламенем возжженная; радуйся, и нас тем благодатно просвещающая и согревающая. Радуйся, таинственная клеще, угль божественный, Христа Господа, во утробе и на руках Твоих носившая; радуйся, и нас в Таинстве Причащения приимати Того сподобляющая. Радуйся, живый и преукрашенный храме Господень, о Немже поет Давид: «Свят Храм Твой, дивен в правде»; радуйся, кадильнице святая, не фимиам, в воздухе разливающийся, но Христа, вечное благовоние в Себе вместившая, и всю тварь Тем облагоухавшая. Радуйся, престоле, превознесенный со славою, одушевленное седалище великаго Царя, нашего же Спасителя и Господа; радуйся, Царице небесе и земли, с Сыном Твоим и Богом вечно царствующая и нас, убогих, не забывающая.

Радуйся, Пречистая Дево, Материю Спасителя мира от века предъизбранная.

Кондак 12

Благодати паче, неже естества действо проявися в рождестве Твоем, Пречистая; молитву бо безчадных родителей Твоих, Господь услышав, подаде Тя им в утешение, якоже Аврааму и Сарре Исаака, восхотев вкупе и Своего смотрения таинство на Тебе совершити и уготовати Тя в Матерь Единородному Сыну Своему, обетованному нашему Искупителю. Емуже благодарно поем: Аллилуия.

Икос 12

Поюще славное Твое от неплодове рождение, хвалим Тя, Пречистая, яко таинницу Божия о нас спасительнаго смотрения, воплощением от Тебе Бога Слова явленнаго, и вопием Ти сице:

Радуйся, чистая Ноева голубице, рождеством Твоим престатие потока смертнаго возвестившая; радуйся, ветвь благовестия Христа Спасителя погибавшему грехом роду человеческому принесшая. Радуйся, едина блаженная в женах, послушанием Твоим Богу преслушание праматере Евы исправившая; радуйся, печаль Адама и прочих праотцев рождеством Твоим в радость преложившая. Радуйся, яко рождество Твое радость возвести всей вселенной; радуйся, яко в рождестве Твоем матери радуются и неплоды. Радуйся, яко и всех рождество Твое верно и благочестно празднующих сподобляеши благодатнаго веселия; радуйся, Сына Своего, да посадит нас с Собою одесную Отца во славе Его, много умоляющая.

Радуйся, Пречистая Дево, Материю Спасителя мира от века предъизбранная.

Кондак 13

О, Всепетая и Пречистая Мати Дево, приими сие наше хвалебное пение в честь преславнаго рождества Твоего приносимое, и возроди в нас желание благ вечных, вкупе же и избави нас, церковь Твою святую, отечество наше и обители иноческия от всяких бед и напастей, от врагов видимых и невидимых, и будущия изми муки и Небеснаго Царствия нас сподоби, да во веки веков о Тебе вопием: Аллилуия.

 

 

(Этот кондак читается трижды, затем икос 1 и кондак 1)

 

 

Молитва первая

О Пресвятая Владычице, Христа Спасителя нашего Богоизбранная Мати, у Бога святыми молитвами испрошенная, Богу посвященная и Богом возлюбленная! Кто Тебе не ублажит или кто не воспоет Твоего преславного рождества. Рождество бо Твое бысть началом спасения человеков, и мы, седящии во тме согрешений, зрим Тя, Неприступнаго Света жилище. Сего ради витийствующий язык не может песнословити Тя по достоянию. Паче бо Серафим возвысилась еси, Пречистая. Обаче приими от недостойных раб Твоих нынешнее похваление и не отрини мольбы нашея. Твое величие исповедуем, Тебе во умилении припадаем и скорую в заступлении чадолюбивую и благоусердную Матерь дерзновенно просим: умоли Сына Твоего и Бога нашего даровати нам, много согрешающим, искреннее покаяние и благочестное житие, да возможем творити вся Богу угодная и душам нашим полезная. Возненавидим вся злая, укрепляемии Божественною благодатию во благом произволении нашем. Ты непостыдная надежда наша в час смерти, даруй нам христианскую кончину, безбедное шествие на страшных мытарствах воздушных и наследие вечных и неизреченных благ Царствия Небеснаго, да со всеми святыми немолчно исповедуем Твое о нас заступление и да славим единаго истиннаго Бога, во Святей Троице покланяемаго, Отца и Сына и Святаго Духа. Аминь.

Молитва вторая

Преблагословенная Дево Марие, Царице небесе и земли, Твоему чудотворному образу припадающе, умиленно глаголем: призри милостиво на рабы Твоя и Твоим всесильным ходатайством ниспосли коемуждо потребная. Вся верныя чада Святыя Церкви спаси, неверныя обрати, заблуждших на путь правый настави, старость и слабость сил поддержи, юных в вере святой возрасти, мужество ко благу направи, грешников к покаянию приведи и всех христиан мольбы услыши, болящих уврачуй, скорби утоли, путешествующим спутешествуй. Ты веси, Всемилостивая, яко немощны, яко грешнии, яко озлобляеми и достойни прощения Божия, обаче буди нам в помощь, да ни коим грехом самолюбия, соблазна и диавольского прельщения прогневляем Бога: Тя имамы Предстательницу, Иже не отринет Господь. Аще бо восхощеши, вся даровати нам можеши яко благодатный источник, верно поющим Ти и превозносящим преславное Твое рождество. Избави, Владычице, грехопадений и бед всех, благочестно призывающих святое имя Твое и покланяющихся честному образу Твоему. Ты бо молитвами беззакония наша туне очищавши, темже Тебе припадаем и паки вопием: отжени от нас всякаго врага и супостата, всякия напасти и губительное неверие; молитвами Твоими, подающи дожди благовременны и земле обильное плодоносив, вложи в сердца наша страх Божественный ко исполнению заповедей Господних, да вси тихо и мирно поживем во спасение душ наших, во благо ближних и во славу Господа, Ему бо, яко Творцу, Промыслителю и Спасителю нашему всякая подобает слава, честь и поклонение, ныне и присно и во веки веков. Аминь.